اسلام امیرلیگی تشقی ایشلر وزیرلیگی سرپرستی، عمان تشقی ایشلر وزیری بیلن اوچرهشووده، افغانستان و عمان ایکّی تامانلمه مناسبتلرنی مستحکملش اوچون ینگی باسقیچ آچیش مسئلهسینی محاکمه قیلگنلر.
سرپرست حکومت تشقی ایشلر وزیرلیگی سۉزلاوچیسینینگ اورین باسری ضیااحمد تکل، ۲۰-حوت، دوشنبهدن سهشنبه گه اوتر کیچه ایکس صحیفهسیده بیر بیانیه ترقهتیب، افغانستان اسلام امیرلیگی تشقی ایشلر وزیرلیگی سرپرستی امیرخان متقی و عمان تشقی ایشلر وزیری بدر بن حمد البوسعیدی مسقطده اوچرهشگنلریدن خبر بیرگن.
بیزلرنینگ فیسبوک صحیفهمیزگه باش اورینگ!
تکل جنابلری گه کوره، بو اوچرهشووده ایکّی تامان سیاسی، اقتصادی و اجتماعی مسئلهلر حقیده بحث قیلیب افغانستان و عمان ایکّی تامانلمه مناسبتلرینی مستحکملش اوچون ینگی باسقیچ آچیش گه امیدوارلیک بیلدیرگنلر.
امیرخان متقی، افغانستاندهگی انچه ییلدن بیری دوام اېتیب کېلگن اوروش گه چېک قوییش، دنیا و منطقه بیلن علاقه قوریش و امنیت تأمین اېتیلیشینی افغانستانده خارجیلر اینیقسه عمان سرمایه یاتقیزووچیلری اوچون یخشی امکانیت اتهگن.
اسلام امیرلیگی تشقی ایشلر وزیرلیگی، عمان پایتختی مسقطده افغانستان ایلچیخانهسی ایشگه باشلش، افغانستان توارلری مذکور مملکت گه صادر اېتیلیشی، بو ایکّی دولت اورتهسیده اوچیشلر باشلنیش اوچون امکانیت یرهتیلیشی گه تأکید اېتگن.
بیزلرنینگ «ایکس» ترماغی ده هم تعقیب قیلینگ!
شونینگدیک، اوشبو اوچرهشووده، عمان تشقی ایشلر وزیری هم افغانستان بیلن تورلی ساحهلر اینیقسه سیاسی، اقتصادی و سودا مناسبتلرینی کېنگهیتیریش گه قیزیقیشینی بیلدیرگن.
امیرخان متقی، قویاش ۱۴۰۳-ییل، ۱۹-حوت، عمان تشقی ایشلر وزیری بدر بن حمد البوسعیدینینگ رسمی تکلیفی اساسیده، بو مملکت گه بارگن.
