اسلام امیرلیگی صناعت و سودا وزیرلیگی، ایران بیلن سودا آلیش-بیریش حجمینی آشیریش اوچون، بو مملکت صناعت، کانلر و سودا وزیری سیدمحمد اتابک بیلن ییغیلیش اوتکزگنیدن خبر بیردی.
اوشبو وزیرلیک ۲۶-سنبله، چهارشنبه کونی ایکس صحیفهسیده بیر بیانیه ترقهتیب بو ییغیلیشده سودا، ترانزیت، سرمایه یاتقیزیش، امتیازلی تعرفه و افغانستان ترانزیتی توارلریگه یول قوییلگن توسیقلرنی برطرف ایتیش همده باشقه مسئلهلر بوییچه شرطنامهلر امضالش حقیده مذاکرهلر اوتکزیلگن.
بیانیهده شوندهی کېلگن: «میلک، بندر عباس، دوغارون و چابهار بندرلریدهگی قیینچیلیکلرنی برطرف ایتیش حقیده مذاکرهلر آلیب باریلدی همده افغانستان-ایران ییللیک انجمنلرینی ایکی مملکتده اوتکزیش، افغانستان پختهسینی ساتیب آلیش و شیخ ابونصر فراهی بندری برقی تأمیناتینی ۲۴ ساعتلیک قیلیش بوییچه تکلیفلر بیلدیریلدی.»
صناعت و سودا وزیرلیگینینگ کوپهیتیریشیچه، ایران و افغانستان ایکی مملکت اورتهسیدهگی سودا حجمینی ییلیگه ۱۰ میلیارد دالر گه یېتکزیش گه همده سودا، ترانزیت و سرمایه یاتقیزیش ساحهلریده ېنهده کېنگراق همکارلیک قیلیش گه تأکیدلشگن.
ایران بیلن سودا حجمینی آشیریش بوییچه سعی-حرکتلر آلیب باریلهیاتگنی حالده، اوتگن میلادی ییلده، افغانستان بو مملکت بیلن ۳ میلیارد ۵۳ میلیون دالرلیک سودا آلیش-بیریش قیلگن.
