افغانستان فوتسال ملی تیرمه جماعهسی، ۲۰۲۶آسیا کپی تورنمنتیده هیجانلی و بیر تامانلمه اویینده، مالیزیا گه غلبه قازاندی.
اوشبو اویین بوگون (۱۰ دلو / ۳۰ جنوری، جمعه) اندونیزیا میزبانلیگی بیلن اوتکزیلدی.
بو مسابقهده افغانستان اویینچیلریدن سیدحسین موسوی، فرزاد محمودی، سید مجتبی حسینی، محمد مرادی، رضا حسینپور، جواد صفری و امید قنبری گل اوریش گه اولگوردی.
افغانستان اوشبو اویینده، مالیزیا گه ۷-۰ حسابی بیلن غلبه قازاندی و بو تورنمنتنینگ کیینگی باسقیچیگه مستقیم یول تاپدی و اوز گروهیده آلتی امتیازلی بولیب و گل فرقی بیلن جدولده بیرینچی بولدی. مملکت ملی اویینچیلری بو تورنمنتنینگ بیرینچی مسابقهلریده ۳-۰ بیلن سعودی عربستان گه غلبه قازانگن ایدیلر.
افغانستان کیلهسی هفته (۱۲ دلو، یکشنبه کونی) ایران بیلن بیللشهدی.
آسیا فوتسال کپی، ۱۶ جماعه جملهدن افغانستان، اوزبیکستان، ایران، مالیزیا، سعودی عربستان، تاجیکستان، جاپان، آسترالیا، تایلند، ویتنام، لبنان، کویت، اندونیزیا، عراق، قرغیزستان، جنوبی کوریا اشتراکی بیلن، جاکارتا شهریده دوام ایتماقده. بو تورنمنت قویاش ۱۴۰۴ ییل، ۷ دلودن باشلندی و اوشبو آی ۱۸ گچه دوام تاپیشی کوتیلهدی.
