افغانستان-اوزبیکستان سوداگرلری آرهسیده، بوگون (۱۰-حمل، دوشنبه)، بلخ مرکزی مزارشریف شهریده قوشمه بیر ییغیلیش اوتکزیلگن.
«اوزبیکستان-افغانستان سودا و اقتصادی همکارلیک فورمی» اسمی آستیدهگی اوشبو ییغیلیش، افغانستانلیک سوداگرلر همده اوزبیکستان مملکتی نمنگان حاکمی حضوری بیلن، ایکی مملکت آرهسیده تجاری و اقتصادی علاقهلر کوچهیشی و مستحکملنیشی مقصد، اوتکزیلگن.
اوتکزیلگن بو ییغیلیشده بلخ سودا و سرمایه یاتقیزیش اتاق باشلیغی محمدابراهیم غضنفرنینگ ایتیشیچه: «۲۰۲۵-ییلده افغانستان و اوزبیکستان آرهسیده سودا حجمی ۱۰۸ میلیارد دالر بولیب و بو مقدارنینگ کوپهیشی مقصد سعیوحرکتلرنینگ دوامی بار.»
شوندهی بیرحالده، اوزبیکستان مملکتی نمنگان حاکمی شوکت عبدالرازقوف، ایکی مملکت آرهسیده سوداگرلیک آلیش-بیریشلر کوپهیشیگه تاکید قیلیب و ایتیشیچه: «افغانستان و اوزبیکستان علاقهلری ینگی بیر باسقیچگه کیرگن. اوزبیکستان مذکور علاقهلر کوچهیشیگه تاکید قیلهدی.»
اوشبو ییغیلیش دایرهسیده، مزارشریف شهریدهگی تجارتی مرکزلردن بیریده بیر کونلیک اوزبیکستان محصوللری و تولیدلری کورگزمهسی اوتکزیلگن.
اوزبیکستان سوداگرلریدن بیری ابرار، مملکتلری تولیدلری ساتیلیشی بوییچه افغانستان نی مناسب بازار بیلیب و ایتیشیچه: «افغانستان اوزبیکستان محصوللری ساتیلیشی اوچون یخشی بیر امکانیت دیر. سالیق و ترانسپورت خرهجتلری نقطهی نظریدن آز خرهجتلی بولیب و هر ایکی مملکت اوچون فایدهلی دیر.»
ایتیش کیرهک که، اوتگن کونی اسلام امیرلیگی سودا و صناعت وزیرلیگی، افغانستان و اوزبیکستاننینگ خصوصی سکتورلری آرهسیده ۵۱۴ میلیون ۸۰۰ مینگ دالرلیک نیچه شرطنامه امضالنگنینی معلوم قیلگن.
