بلخ ولایتی حاکمیتینینگ یېتکرمهلر ادارهسی، بوندن کېین افغانستاننینگ میوه و سبزهواتی اۉزبېکستان هوا یونهلیشلری آرقهلی دنیا بازارلریگه صادر قیلینیشینی معلوم قیلگن.
اوشبو اداره، ۱۳-عقرب، سهشنبه کونی بیر بیانیه ترقهتیب ایتیشیچه، بلخ حاکمی محمدیوسف وفا اۉزبېکستان رسمیلری بیلن، مملکتنینگ میوه و سبزهواتلری صادر قیلینیشی بولیمیده شرطنامه امضالهگن.
شرطنامه گه کوره، اۉزبېکستان تامانی بوندن سۉنگ افغانستاننینگ میوه و سبزهواتلری بو مملکتنینگ هوا یونهلیشلری آرقهلی دنیا بازارلری جملهدن چین، هندوستان و روسیه گه صادر قیلینیشی بارهسیده همکارلیک قیلیشیدن ایشانچ بیلدیرگن.
شو بیلن بیرگه قۉشنی اۉزبېکستان رسمیلری، افغانستان و بو مملکت اورتهسیده سودا آلیش-بیریش علاقهلرنی کېنگهیتیریش و مستحکملش گه تأکیدلهگن.
بوندن آلدین هم، اوشبو ایکی مملکت اورتهسیده اقتصاد ساحهسیده ایریم شرطنامهلر امضالنگن و اۉزبېکستان تورلی ساحهلرده افغانستان بیلن یقیندن همکارلیک قیلیب کیلهیاتگن مملکتلردن حسابلنهدی.
