۱۴۰۳-ییل ۹-اسد، سرپرست حکومت تشقی ایشلر وزیرلیگی، اروپا و امریکاده افغانستان نینگ دیپلماتیک چمه‌سی ۱۴ نماینده‌لیگی اوشبو وزیرلیک بیلن همکارلیک بولمه‌گنی اوچون فعالیتینی اعتبارسیز اعلام قیلگچ، بو دیپلماتیک نماینده‌لیک‌لر تقدیرسیز بیر احوالده قالگن.
جرمنی تشقی ایشلر وزیرلیگی کابل نینگ قراری طفیلی، سرپرست حکومت بیلن علاقه قورگنی و بریتانیا تشقی ایشلر وزیرلیگی بو مملکتده افغانستان ایلچیخانه‌سینی یاپیش اوچون سعی-حرکت قیلماقده‌لیگی حقیده ایریم گزارش‌لر ترقه‌لگن.
اوشبو مملکت‌لرده افغانستان فقرالری کېله‌جکده قنسولی خذمت قیینچیلیگی بیلن دوچ بولیش‌لریدن خواطر بیلدیره‌دیلر. جرمنی ده افغانستان‌لیک انوش دین‌زاده، دیپلماتیک نماینده‌لیک یاپیلگن حالده قاچقینلر قیینچیلیک بیلن دوچ بولیش‌لرینی اېته‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بو ییرده هر بیر قاچقین نینگ کیم‌لیگی انیقلنه‌دی، ایلچیخانه بولمه‌گن حالده قاچقینلر کیم‌لیک‌لری اوچون قیینچیلیک بیلن دوچ بوله‌دی، بونده‌ی احوالده قاچقینلر جبردن چیقریلیشی ممکن.»
ایش بیلرمان‌لردن بیرقطاری نینگ ایتیشلریچه، دنیا ده قبول قیلینگن قاعده اساسیده، دیپلماتیک نماینده‌لیک‌لر مملکت تشقی ایشلر وزیرلیگی بیلن همکار بولیشی کېره‌ک، شونی اوچون نماینده‌لیک‌لر اۉز باشیمچه‌لیک بیلن فعالیت‌لری گه دوام بیره آلمه‌یدیلر.
خلق‌ارا مناسبت‌لر ایش بیلرمانی بلال فاطمی نینگ سلام‌وطندار گه ایتیشیچه: «دیپلماتیک نقطه-نظریدن اوچ حالت بار، کامله مناسبت، ایلچی بیلن ایلچی نینگ مناسبتی و سیاسی مناست دیر، حکومت نی میزبان مملکت تن آلمسه بو احوال دی‌فاکتوگه باره‌دی و یریم دیپلماتیک مناسبت سقلنه‌دی.»
شونینگدیک، بیلرمان‌لردن بیرقطاری، دیپلماتیک نماینده‌لیک‌لر نینگ تقدیرسیز بونده‌ی احوالی اوشبو مملکت‌لرده‌گی افغانستان فقرالرینی قیینچیلیک بیلن دوچ قیلیش‌لریدن خواطر بیلدیره‌دیلر.
بریتانیا ده افغانستان‌لیک سیاسی فعال عتیق‌الله متین نینگ سلام‌وطندار گه ایتیشیچه: «حاضرگی حکومت تن آلینمه‌گن، شونی اوچون دیپلماتیک نماینده‌لیک‌لر کابل بیلن همکارلیک قیلمه‌یدی، لېکن بو احوال اهالینی قیینچیلیک بیلن دوچ قیلیشی ممکن.
بوتوغریده سرپرست حکومت تشقی ایشلر وزیرلیگی نینگ فکر-ملاحظه‌سینی اورگه‌نیش اوچون سعی-حرکت قیلدیک؛ بیراق بو وزیرلیک قنسولی خذمت‌لر عادی‌لشتیریلیش قینچیلیگی حلی اوچون سلام‌وطندار نینگ سوال‌لری گه جواب قیتریش گه تیار بولمه‌دی.
