بلخ حاکمی سۉزلاوچیسی عطاءالله عمری، افغانستان تاش کومیری بوندن کېین پاکستان اورنیگه اۉزبېکستان گه یوباریلیشینی ایتگن.
عمری جنابلری، ۴-قوس/۲۳-نومبر، یکشنبه کونی ایکس صحیفهسیده بیر بیانیه ترقهتیب، افغانستان و اۉزبېکستان اورتهسیده سودا مهم کیلیشوولر اساسیده، تاش کومیر بو مملکت گه یوباریلیشینی بیلدیرگن.
اۉزبېکستان تاش کومیر اورنیگه افغانستان گه سمنت یوبارهدی و بو ایش بیلن مملکتده سمنت تقچیلیگی حل ایتیلهدیب قوشیمچه قیلگن، بلخ حاکمی سۉزلاوچیسی عطاءالله عمری.
افغانستان و پاکستاننینگ سودا آلیش-بیریشی ایکی مملکت اورتهسیدهگی کېسکینلیکلردن سۉنگ توختهدی. مملکت مالیه وزیرلیگی اوتگن کون بیر بیانیه ترقهتیب پاکستان بیلن سودا علاقهلر کېسیلیشی افغانستاننینگ سودا جریانیگه سلبی تأثیر قویمهگنینی بیلدیردی.
