بلخ ولایتی مزارشریف شهری‌ده «اوسانه سیسانه» ادبی فیستیوال نینگ ۱۲-دوریده تورت عیال اینگ یخشی یازووچی تانیلگن.
مزارشریف شهری‌ده «بلخ داستان اویی» فرهنگی نهادی مسئوللری نینگ ایتیشلریچه، یازووچیلیک بولیمی‌‌ده ییگیت‌لر استعدادلرینی تاپیش و کوچه‌یتیریش مقصد یولگه قوییلگن مذکور فیستیوال گه مملکت نینگ تورلی ولایتلریدن ۱۳۰ یازووچی قتنه‌شگن.
بیزلرنینگ «ایکس» ترماغی ده هم تعقیب قیلینگ!
مذکور یازووچیلیک برنامه‌سی حمیرا قادری، شفیق نام‌دار و علی موسوی کبی یازووچیلر تامانیدن داورلیک بولیب و ۱۵-عقرب، سه‌شنبه کونی بو برنامه نینگ یخشی یازووچیلری اعلام بولگن.
مذکور فیستیوال مدیری شفیع بیریا نینگ ایتیشیچه، اوشبو رقابت‌لرده روشنا امیری بیلن سمیه ابراهیمی قوشمه بیر شکلده بو فیستیوال‌ده بیرینچی اورین‌نی قولگه کیلتیرگنلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اوشبو برنامه‌گه قتنشگن عیاللردن قطاری بو رقابت نینگ اوتکزیلگنیدن خورسند‌لیک قیلیب و ایتیشلریچه، بو کبی برنامه‌لر نینگ اوتکزیلیشی ینگی‌لیکده یازووچیلیککه باشله‌گن یازووچیلر استعدادلری کوچه‌یشی خصوصیده فایده‌لی بولیشی ممکن.
«اوسانه سیسانه» فیستیوالی هر ییلی بلخ داستان اویی فرهنگی نهادی نینگ تشبثی بیلن، یازووچیلر استعدادی نی کوچه‌یتیریش، یخشی سیمالرنی تانیتیش و اولر نی تاپیش مقصد اوتکزیله‌دی.
