«روسیه و اسلام عالمی» اقتصادی ۱۵ ییغیلیشی، ۲۵-ثور، سه‌شنبه کونی روسیه تاتارستان جمهوریتی پایتختی «کازان» شهری ده باشلنگن. میلادی اوشبو آی نینگ ۱۹ کونی گه قدر دوام تاپیشی کوتیلگن بو ییغیلیش ده افغانستان وکیلی هم قتنشگن.
صناعت و سوداگرلیک وزیرلیگی گه کوره، اوشبو وزیرلیک سرپرستی نورالدین عزیزی ییتکیچیلیگیده افغانستان هیئتی اوشبو ییغیلیش چېکّه‌سیده باشقه مملکت‌لر نینگ هیئت‌لری و افغانستان ده سرمایه یاتقیزیش گه ترغیب قیلیش اوچون سوداگرلر بیلن اوچره‌شووی کوتیله‌دی.
بیزلرنینگ فیسبوک صحیفه‌میزگه باش اورینگ!
صناعت و سوداگرلیک وزیرلیگی سۉزلاوچیسی عبدالسلام جواد آخوندزاده گه کوره: «افغانستان هیئتی بو ییغیلیش ده قتنه‌شیش گه قۉشیمچه، تجارت، سرمایه یاتقیزیش و سرمایه یاتقیزووچیلرنی ترغیب اېتیش مقصدیده روسیه، تاتارستان و باشقه مملکت‌لر همده بویوک کمپنیه‌لر نینگ وکیل‌لری بیلن اوچره‌شه‌دی.»
ایش بیلرمان‌لر، مملکت اقتصادی یخشی‌لنیشی اوچون بو کبی ییغیلیش‌لرده افغانستان حضورینی مهم دیه بهاله‌یدیلر.
اوشبو ایش بیلرمان‌لر بو کبی ییغیلیش‌لرده سرمایه یاتقیزووچیلرنی مملکت گه کېلیب سرمایه یاتقیزیش گه ترغیب قیلیش گه تاکید اېته‌دیلر.
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان عبدالنصیر رشتیا نینگ ایتیشیچه: «بو کبی ییغیلیش‌لرده افغانستان وکیلی کوپراق قتنشسه، سیاسی قیینچیلیک‌لر حل اېتیلیشی و اقتصادی مناسبت‌لر مستحکم‌لنیشی گه سبب بوله‌دی.»
اقتصادی ایش بیلرمان‌لردن باشقه بیری ظاهر بهزاد گه کوره: «افغانستان ده‌گی فرصت‌لر دن، ییغیلیش ده قتنشگن مملکت‌لر نینگ وکیل‌لری آگاهی‌لیک تاپه‌دیلر.»
ایتیش کېره‌ک، اسلام امیرلیگی دنیا مقیاسیده سیاسی چېکلاولر بیلن دوچ بولگن بیرحالده، بیرقطار مملکت‌لر اینیقسه اسلام عالمی و منطقه مملکت‌لر بیلن اقتصادی مناسبتینی مستحکم‌لش اوچون سعی-حرکت قیلماقده.
