سرپرست حکومت سۉزلاوچیسی ذبیح‌الله مجاهد، اسلام امیرلیگی حج و اوقاف وزیرلیگی سرپرستی نورمحمد ثاقب، «اسلام عالمی عالملری» نینگ مصلحتی ییغیلیشی ده، تورکیه دولت رهبری رجب طیب اردوغان بیلن علیحده اوچره‌شگنیدن خبر بیرگن.
سرپرست حکومت سۉزلاوچیسی بوگون (۲۴-ثور، دوشنبه کونی) ایکس اجتماعی ترماغی ده، تورکیه جمهور باشلیغی افغانستان نینگ حاضرگی احوالی و اوشبو مملکت ده امنیت تامین اېتیلگنیدن خورسندلیک بیلدیرگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
ذبیح‌الله مجاهد نینگ کوپه‌یتیریشیچه، اوشبو اوچره‌شووده حج و اوقاف وزیرلیگی تورکیه جمهور باشلیغی دن بو ییغیلیش اۉتکزیلیشی اوچون منتدرلیک بیلدیریب ایتیشیچه: «افغانستان دوست و برادر تورکیه بیلن یخشی و مستحکم مناسبتی بولیشنی اېسته‌یدی.»
حج و اوقاف وزیرلیگی سرپرستی، اسلام عالمی اینیقسه افغانستان تورکیه دن «اسلام امتی» قیینچیلیک‌لرینی حل اېتیشده مهم رول اوینشنی کوتماقده. «اسلام عالمی اینیقسه افغانستان سیزلردن اسلام امتی قیینچیلیک‌لری حلی اوچون مهم رولینگیز بولیشنی کوته‌دی.»
بیزلرنینگ «ایکس» ترماغی ده هم تعقیب قیلینگ!
ذبیح‌الله مجاهد ۲۲-ثور، شنبه کونی، حج و اوقاف وزیرلیگی سرپرستی نورممد ثاقب، بیر هیئت ییتکچیلیگیده «اسلام عالمی عالملری» نینگ مصلحتی ییغیلیشی ده قتنه‌شیش اوچون تورکیه نینگ استانبول شهری گه سفر قیلگنیدن خبر بیرگن اېدی.
اونگه کوره، بو هیئت تورکیه نینگ دین ایشلری بوییچه اداره‌سی نینگ عمومی باشلیغی علی ارباش نینگ رسمی تکلیفی اساسیده، اوشبو مملکت گه سفر قیلگنینی یازگن. اسلام امیرلیگی سۉزلاوچیسی نینگ کوپه‌یتیریشیچه، اوشبو ییغیلیش ده اسلام عالمی اونگیده‌گی معمالر و خطرلر گه ییچیم یول قیدیریش و «اسلام امتی نینگ قۉشمه قضیه‌لری» برابریده مذاکره قیلیش مسئله‌لری بحث گه آلینیشی کوتیله‌دی.
