ملی مصالحه کینگشی باشلیغی عبدالله عبدالله، هندوستان دولتی نینگ رسمی دعوتی آرقه‌لی اوشبو مملکت‌گه سفر قیلگن.
سپیدار نینگ بیر خبرنامه آرقه‌لی اعلان قیلیشیچه، جناب عبدالله تینچلیک خصوصیده، هند حمایتی‌نی جلب قیلیش اوچون اوشبو مملکت‌گه سفر قیلگن.
خبرنامه‌گه کوره، جناب عبدالله نینگ هند باش وزیری، تشقی ایشلر وزیری، ملی خوفسیزلیک مصلحتچی‌سی و باشقه یوقاری مرتبه‌لی رسمی‌لری بیلن اوچره‌شووی ممکن.
اعلامیه‌گه کوره، جناب عبدالله هندوستان ده پژوهشی بیر نهادی‌گه صحبت اوتکزه‌دی.
اعلامیه‌ده کوپه‌یتیریلیشیچه، ملی مصالحه کینگشی باشلیغی، هند رهبرلری بیلن اوچره‌شوویده افغانستان تینچلیک سوزلشووی، فرصت‌لر و چالش‌لر، اجماع نینگ نیازلیگی و منطقه‌یی حمایت خصوصیده صحبت قیله‌دی.
او، ینگی دهلی‌گه سفر قیلمسدن آلدین هندوستانی افغانستان نینگ استرا‌تیژیکی متحدلریدن عنوان قیلیب و اوشبو مملکت افغانستان دولت و خلقی‌نی تورلی دوره‌لرده یاردم بیرگن دیگن ایدی.
جناب عبدالله، ایکی مملکت نینگ رابطه‌سی‌نی اونملی عنوان قیلیب و افغانستان و منطقه‌ده تینچلیک تامین‌لنیشی اوچون اوشبو مملکت اورنی‌نی اونملی عنوان قیلگن.
