اسلام امیرلیگی باش وزیرینینگ اقتصادی اورین باسری عبدالغنی برادر و روسیه تاتارستان جمهوریتی باش وزیرینینگ اورین باسری همده صناعت و سودا وزیری اولیگ ولادیمیروویچ کورو بچینکو، ایکی تامانلمه اقتصادی علاقهلر و سودا مناسبتلرنی کېنگهیتیریش مسئلهلری حقیده بحث ایتگنلر.
اسلام امیرلیگی باش وزیرینینگ اقتصادی اورین باسرلیگی، بوگون (۱۴-اسد، سهشنبه) ایکس صحیفهسیده بیر بیانیه ترقهتیب ایکی تامان کابلده اوچرهشیب و اسلام امیرلیگی روسیه بوتون جمهوریتلری بیلن کېنگ مقیاسده اقتصادی و سودا آلیش-بیریش گه قیزیقیشینی بیلدیرگن.
بیزلرنینگ فیسبوک صحیفهمیزگه باش اورینگ!
بیانیه اساسیده، تاتارستان باش وزیرینینگ اورین باسری، روسیه تامانیدن اسلام امرلیگی تن آلینیشی بیلن، تاتارستان و افغانستان آرهسیده همکارلیک قیلیش اوچون کوپینچه امکانیتلر یرهتیلگنینی معلوم قیلگن.
عبدالغنی برادر، تاتارستان جموریتی سرک توزهتیش، تونل، سوو یېتکزیش، سوو توغانلری، انشاآت قوریش، کیمیاوی صناعت و شونینگدیک پنجشیر سووینی کابل گه آلیب کېلیش ساحهلریده سرمایه یاتقیزیشی ممکن دیگن.
اسلام امیرلیگی باش وزیرینینگ اقتصادی اورین باسری، افغانستانده ایشلب چیقریلگن توارلر تاتارستان گه و عکسینچه آزیق-آوقت، دارو و تخنیکی اوسکونهلر کبی صفتلی توارلر وارد ایتیلیشی گه تأکیدلهگن.
بیزلرنینگ «ایکس» ترماغی ده هم تعقیب قیلینگ!
تاتارستان باش وزیرینینگ اورین باسری، روسیهنینگ اوشبو جمهوریتی، پنجشیر سووینی کابل گه آلیب کیلیش و باشقه ساحهلرده سرمایه یاتقیزیش گه تیارلیگینی بیلدیرگن.
