اسلام امیرلیگی باش وزیرینینگ اقتصادی اورین باسری عبدالغنی برادر، بیر هیئت باشچیلیگیده ایکّی کونلیک رسمی سفرده اۉزبېکستان یېتیب بارگن.
اسلام امیرلیگی باش وزیرینینگ اقتصادی اورین باسرلیگی، بوگون (۴-حوت، شنبه) ایکس صحیفهسیده بیر بیانیه ترقهتیب، اوشبو سفرده برادر جنابلرینی وزیرلردن بیرقطاری همرالیک قیلیشینی معلوم قیلگن.
بیزلرنینگ فیسبوک صحیفهمیزگه باش اورینگ!
معلوماتلر اساسیده، اوشبو سفرده عبدالغنی برادرنی کانلر و پترولیم وزیرلیگی سرپرستی هدایتالله بدری، ترانسپورت و هوا یوللری وزیرلیگی سرپرستی حمیدالله آخوندزاده، صناعت و سودا وزیرلیگی سرپرستی نورالدین عزیزی، ایکینچیلیک، سوغاریش و چاروهچیلیک وزیرلیگی سرپرستی عطاءالله عمری، مرکزی بانک عمومی باشلیغی نوراحمد آقای، مالیه وزیرلیگینینگ باجخانهلر و درآمد ایشلری بوییچه اورین باسری عبدالمتین سعید، و باشقه بیرقطار ادارهلرنینگ مسئوللری همراهلیک قیلگنلر.
معلوماتلر گه کوره، تامانلر افغانستان و اۉزبېکستان اورتهسیده سیاسی، اقتصادی، سودا و ترانزیت مناسبتلرینی کېنگهیتیریش و افغانستاننینگ تورلی ساحهلریده سرمایه یاتقیزیش اوچون اۉزبېکستان سرمایه یاتقیزووچیلرینینگ دقتینی جلب قیلیش مسئلهلری حقیده، بحث اېتیشلری کوتیلهدی.
بیزلرنینگ «ایکس» ترماغی ده هم تعقیب قیلینگ!
بوندن آلدین، عبدالغنی برادر یوقاری مرتبهلی بیر هیئت باشچیلیگیده ایران گه سفر قیلگن اېدی.
