ایران تشقی ایشلر وزیری سیدعباس عراقچی، منطقه و خلقارا اوزگریشلری حقیده صحبت قیلیش مقصد، کیلهسی هفته هندوستان و پاکستان گه سفر قیلهدی.
ایران تشقی ایشلر وزیرلیگی سوزلاوچیسی اسماعیل بقایینینگ ایتیشیچه، عراقچی دوشنبه کونی پاکستان گه کیتیب و بو مملکت رسمیلری بیلن سونگی اوزگریشلری حقیده صحبت قیلهدی.
بیزلرنینگ «ایکس» ترماغی ده هم تعقیب قیلینگ!
ایران تشقی ایشلر وزیرلیگی سوزلاوچیسیگه کوره، عراقچی اوشبو هفته پاکستان گه سفر قیلیشدن کیین رسمی بیر سفرده هندوستان گه کیتهدی.
اسلامآباد و ینگی دهلی آرهسیدهگی کیسکینلیکلر کوپهیگنیدن کیین، اوتگن هفته ایران جمهور باشلیغی مسعود پزشکیان پاکستان باشوزیری بیلن تلفونی صحبت قیلیب، هندوستان و پاکستان آرهسیدهگی کیسکینلیکلر کمهیشی توغریسیده تیارگرلیگینی بیلدیرگن.
بیزلرنینگ فیسبوک صحیفهمیزگه باش اورینگ!
هندوستان و پاکستان آرهسیدهگی کیسکینلیکلر ۲۲-اپریل هندوستاننینگ کشمیر و جامو ایالتیده جایلشگن پهلگام منطقهسیگه اویوشتیریلگن بیر هجومده ۲۶ کیشینینگ اولگنیدن کیین کوچهیگن. بو هجوم کشمیر ده سونگی ییللرده یوز بیرگن اینگ قانلی هجوملردن حسابلنهدی.
هندوستان دولتی اوشبو هجومنینگ پاکستان ده جایلشگن عصیانچی گروهلر گه نسبت بیریب و اورغولشیچه، بو اقداملر هندوستاننینگ ملی امنیتی اوچون جدی بیر تهدید دیر.
