فاریابلیک بیر ییگیت، قاچاق یولی بیلن تورکیه گه باریش پیتیده، ساووق سببلی بو مملکتنینگ چیگره حدودلریده اولگن.
اجتماعی ترماقلرده ترقهلگن معلوماتلر گه کوره، فاریاب مرکزی میمنه شهری یشاوچیسی بولمیش بهمن رجبی، تورکیه چیگرهلریده اولگنیدن کیین، اونینگ جسدی فاریاب گه آلیب کیلینگن.
معلوماتلر اساسیده، اقتصادی قیینچیلیک سببلی بو ییگیت قاچاق یولی بیلن تورکیه گه باریش گه قصد قیلگن، بیراق مقصد گه ییتیشمسدن آلدین یولگه جان بیرگن.
اوشبو ییگیتنینگ جسدی، بوگون (۲۴ حوت/۱۵ مارچ، یکشنبه) توپراققه تاپشیریلیشی ایتیلگن.
بوندن آلدین هم، مملکت یشاوچیلریدن بعضیلری تورلی مملکتلرنینگ چیگره حدودلریده هوا ایسیغیده سووسیزلیک و قیشده ساووق سببلی اولگنلری ایتیلگن.
افغانستان یشاوچیلری تورلی معمالر جملهدن اقتصادی قیینچیلیک همده عایله اعضالرینینگ دستلبکی احتیاجلرینی تأمینلش اوچون یولدهگی برچه قیینچیلیکلر گه قرهمسدن ایران، پاکستان، تورکیه و اروپا مملکتلریگه ناقانونی یوللر بیلن باریشنی تنلهیدی.
