غزنی حاکمی سوزلاوچیسی عزتالله سعیدی، اوشبو ولایت اجرستان تومنیده بیر سوو کانالی قوریلگنیدن خبر بیرگن.
اونینگ ایتیشیچه، ۲۰۰ متر اوزونلیگی و ایکی متر یوقاریلیگی بولگن اوشبو کانال اجرستان تومنینینگ «برکه» قیشلاغیده قوریلگن.
سعیدی گه کوره، مذکور سوو کانالی ناروی موسسهسی آرقهلی بیر میلیون ۵۰۰ مینگدن آرتیق افغانی عوضیگه قوریلگن.
غزنی حاکمی سوزلاوچیسینینگ کوپهیتیریشیچه، اوشبو کانال قوریلیشی بیلن یوزلب جریب ایکینچیلیک ییرنینگ سووغاریلیش امکانیتی یرهتیلگن.
بوندن آلدین، اسلام امیرلیگی قیشلاقلرنی رواجلنتیریش و قیته قوریش وزیرلیگی، سوولرنی باشقریش و سوولرنینگ ایکینچیلیک ییرلریگه ییتکزیش اوچون افغانستاننینگ هر بیر تومنیده بیر سوو توغانی قوریلیشینی اعلام قیلگن ایدی.
