اسلام امیرلیگی باش وزیرینینگ اقتصادی اورین باسری عبدالغنی برادر، اۉزبېکستان گه قیلگن ایکّی کونلیک سفری دایرهسیده اوشبو مملکت باش وزیرینینگ اورین باسری بیلن اوچرهشگن.
اسلام امیرلیگی باش وزیرینینگ اقتصادی اورین باسرلیگی، بوگون (۴-حوت، شنبه) ایکس صحیفهسیده بیر بیانیه ترقهتیب، برادر جنابلری اۉزبېکستان گه قیلگن سفری دایرهسیده بو مملکت باش وزیرینینگ اورین باسری جمشید خوجهیوف بیلن اوچرهشگنیدن خبر بیرگن.
بیزلرنینگ فیسبوک صحیفهمیزگه باش اورینگ!
معلوماتلر اساسیده، اوشبو اوچرهشووده افغانستان و اۉزبېکستان اورتهسیده سودا و ترانزیتی مناسبتلر مستحکملنیشی و اۉزبېکستان سرمایه یاتقیزووچیلرینینگ، افغانستانده سرمایه یاتقیزیش مسئلهلری محاکمه قیلینگن.
اسلام امیرلیگی باش وزیرینینگ اقتصادی اورین باسرلیگی، اۉزبېکستان باش وزیرینینگ اورین باسری جمشید خوجهیوف دن نقل قیلیب یازیشیچه، اۉزبېکستان کابل بیلن سودا مناسبتلرینی کېنگهیتیریش اوچون ایکّی مملکت اورتهسیده قۉشمه سودا زونینی آچیش گه تیار دیر.
معلوماتلر اساسیده، اوشبو زونده جلغوزه و پختهنی پروسس قیلیش ایشخانهلر، پاکتلش و لوژیستیکی مرکزلر و آزیق-آوقت ایشلب چیقریش ایشخانهلر آچیلیشی ممکن.
بیزلرنینگ «ایکس» ترماغی ده هم تعقیب قیلینگ!
شونینگدیک، بو اوچرهشووده اۉزبېکستان باش وزیرینینگ اورین باسری بو مملکتنینگ سرمایه یاتقیزووچیلری افغانستانده نفت و گاز قیدیریش و قازیب چیقریش بولیملریده اسلام امیرلیگی بیلن همکارلیک قیلیب و سمنگان ولایتیده صناعت و سمنت ایشخانهسینی آچیشده سرمایه یاتقیزیش وعدهسینی بیرگن.
خوجهیوفنینگ کوپهیتیریشیچه، طوطی میدانده گاز قیدیریش بولیمیده یخشی یوتوقلر گه ایگه بولیب و یقینده اونینگ قازیب چیقریش ایشی باشلنیشی ممکن.
اسلام امیرلیگی باش وزیرینینگ اقتصادی اورین باسری، اۉزبېکستاننینگ بو ایشلرینی خوش قرشیلب و تورلی ساحهلرده اسلام امیرلیگینینگ همکارلیک قیلیشیدن ایشانچ بیلدیرگن.
