نیمروز ولایتیدن حکومتی بیر منبع نینگ کیملیگی سیرقالیشنی ایستهب سلاموطندارگه ایتیشیچه، طالبان جنگریلری اوتگن کیچه ساعت، ۱۰ اطرافیده اوشبو ولایت نینگ «دهمزنگ» منطقهسیده جایلشگن ملی اردو بیر قرارگاهی اوستیگه هجوم قیلیب، مذکور کوچلردن ۲۳ تهسینی اولدیرگن.
منبع نینگ کوپهیتیریشیچه، اوشبو هجوم ده ملی اردو کوچلریدن ۲۳ تهسی هلاک و باشقه ۳ تهسی طالبان قولیگه اسیر بولگن.
منبع گه کوره، طالبان گروهی مذکور قرارگاه نینگ بوتون حربی تجهیزاتلرینی اوزلری بیلن آلیب کیتگن و اونینگ اطرافیده ماین جایلشتیرگن.
اونینگ کوپهیتیریشیچه، ملی اردو کوچلری، حاضرگهقدر قربان بولگنلرنینگ جسدلرینی قرارگاه دن چیقاریشگه موفق بولمهگن.
بوتوغریده نیمروز محلی مسووللری فکرینی آلیش اوچون سعی و حرکت قیلدیک، بیراق موفق بولمهدیک.
عینحالده، طالبان گروهی بیر ویدیو نشر قیلیش بیلن مذکور قرارگاه تصرف قیلینگنی و هجوم عاقبتیده، ملی اردو ۲۷ اعضاسی هلاک و باشقه ۵ تهسی نینگ اسیر بولگنینی بیلدیرگن.