۲۰۳ تندر قول اردو قومندانلیگی عسکرلریدن بیری نینگ سلاموطندارگه ایتیشیچه، ۴ کوندن بویان طالبان قمراویگه قرار تاپگن‌لر و بو مدت ده آوقات ییمه‌گنلر.
اوشبو عسکرنینگ صوتی بیر پیام آرقه‌لی سلاموطندارگه ایتیشیچه، ۴ کوندن بویان آوقات ییمه‌گنلر و اوق‌لری هم یکونلنماقده.
اونینگ آگاه‌لنتیریشیچه، ملی مدافعه وزیرلیگی تامانیدن دقت قیلمه‌گن صورتده، پوسته‌لری نینگ طالبان قولیگه سقوط قیلیشی ممکن.
۲۰۳ تندر قول اردو قومندانلیگی سوزلاوچیسی ایمل مومند نینگ سلاموطندارگه ایتیشیچه، طالبان قمراویگه بولگن عسکرلرگه یاردم یوباریله‌دی.
او، مذکور تولی‌ده تجهیزات و قورال کم‌لیگی نی رد قیله‌دی.
عین‌حالده، میدان‌وردک ولایتی کینگش اعضاسی شریف‌الله هوتک نینگ ایتیشیچه، جلریز تومنی نینگ «کوته عشرو» منطقه‌سیده جایلشگن حربی‌لرنی عاجل یاردم گه نیازلری بار و حاضرگه‌قدر مدافعه وزیرلیگی تامانیدن یاردم یوباریلمه‌گن.
ایکی کون آلدین اجتماعی ترماقلرده قولمه‌قول بولگن بیر ویدیو کوره، حربی کوچلردن بیرقطاری جلریز تومنی نینگ کوته عشرو منطقه‌سیده طالبان قمراویگه قرار تاپگن و اولر جمهور رئیس دن یاردم ایسته‌یدیلر.
اوندن سونگ، ملی مدافعه وزیرلیگی بیر خبرنامه آرقه‌لی، مذکور منطقه ده کمکی کوچلر یوباریلگنیدن خبر بیریب و طالبان نینگ آرتده اوریلگنی‌نی بیلدیرگن ایدی.