سرپل معارف ریاستی مسئوللری، اوشبو ولایتنینگ سانچارک تومنی «زنجان» قیشلاغیده اوغیل بالهلر مکتبینینگ قوریلیش ایشی باشلنگنیدن خبر بیردیلر.
سرپل معارف باشلیغی محمد رحمانی گه کوره، بو مکتب ایکی مینگ ۲۰۰ متر مربع ییرده اوچ آی ایچیده قوریلهدی. اونینگ کوپهیتیریشیچه، اوشبو مکتب اوچون آلتی اوقیش صنفی، اداری اتاق، تحویلخانه، سوو قودوغی و باشقه امکانیتلر نظرگه آلینگن.
رحمانی جنابلری گه کوره، اوشبو مکتبنینگ قوریلیش خرهجتی اوچون ۱۰۶ مینگ دالر صرفلنیشی تخمین ایتیلگن و بو مقدار پول همکار موسسه تامانیدن تولنیلهدی.
سرپل معارف باشلیغی، اوشبو ولایتدهگی اوقووچیلرنینگ زمانهوی تعلیم بیلن تأمینلش مقصدیده سعی-حرکت قیلماقدهلیکلریدن ایشانچ بیلدیرهدی.
مکتب، درسلیک مواد و مسلکی اوقیتووچیلر آزلیگی، افغانستاننینگ تعلیم تیزیمیدهگی اساسی معمالردن سنلهدی؛ بو اوقووچیلرنینگ زمانهوی اوقیش امکانیتلریدن فایدهلنیشنی چېکلهگن.
