سرپل نینگ کوهستانات تومنی یشاوچیلریدن قطاری نینگ ایتیش‌لریچه، مذکور تومن‌ده تعلیم بولیمی خصوصیده توجه‌سیزلیک سبب، اوشبو تومن نینگ اختیار قیشیلاغیده‌گی دولتی بیر مکتب چاروه‌لر نینگ ییلاوی گه اوزگرگن.
سرپل ولایتی نینگ کوهستانات تومنی یشاوچیلریدن نسیم نینگ سلام‌وطندار گه ایتیشیچه: «مکتب‌ده حضوری بولمه‌گن کیشی‌لر نینگ آلدی آلینیشی کیره‌ک. مکتب‌لردن نظارت ایتیلیشی کیره‌ک. مکتب‌لرده فرزند‌لریمیز نینگ درس و سبق اوقیشی نی ایسته‌یمیز، لیکن بو محل چاروه‌لر ییری گه اوزگرگن.»
بیزلرنینگ توییترده هم تعقیب قیلینگ!
باشقه بیر تامان‌دن، سرپل ولایتی کوهستانات تومنی یشاوچیلریدن باشقه بیری عبدالقدیر نینگ ایتیشیچه، خیالی اوقیتووچیلر حاضرگچه اوشبو مکتب‌دن معاش قولگه کیلتیره‌دیلر.
او، اسلامی امارت‌دن اداری فساد نینگ آلدی آلینیشی و اوشبو تومن معارف بولیمی گه توجه قیلینیشی نی ایسته‌یدی.
اونینگ کوپه‌یتیریشیچه: «تومنی‌میزده مکتب نینگ بناسی بار لیکن اوشبو مکتب‌ده اوقیتووچی بیلن اوقووچی‌دن هیچ بیر خبر یوق. اما مذکور مکتب‌ده‌گی اوقیتووچیلر معاش قولگه کیلتیره‌دیلر که بو ایش کوهستانات تومنی اهالی‌سی گه جفا دیر. اسلامی امارت بو رقم فعالیت‌لر آلدینی آلیشی کیره‌ک.»
شونده‌ی بیرحالده، سرپل معارف ریاست مسئوللری باشلنغیچ اختیار مکتبی نینگ ییلاو گه اوزگرگنی نی رد قیلمه‌ی و اوشبو مکتب نینگ تیکشیریلیشی اوچون هیئت یوباریلگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
سرپل معارف رئیسی محمد رحمانی، سرپل نینگ کوهستانات تومنی‌ده‌گی مکتب‌لریده خیالی اوقیتووچیلر و اوقووچیلر نینگ حضوری نی رد قیلگن.
باشقه بیر تامان‌دن، سرپل ولایتی‌ده‌گی قوم بویوک‌لری معارف بولیمی‌ده اداری فساد‌دن توسیق بولینیشی و اسلامی امارت‌دن اوشبو مملکت فرزند‌لری نینگ سرنوشت‌لری گه توجه قیلیش‌لری نی ایسته‌گنلر.