کنر محلی مسووللری نینگ ایتیش‌لریچه، اوتگن بیر کیچه و کندوز ده اوشبو ولایت نینگ «مروره» تومنیده پاکستان حربی‌لری تامانیدن ۱۶ راکت اوقی آتیلگن.
کنر حاکمی سوزلاوچیسی غنی مصمم نینگ ایتیشیچه، مذکور راکت‌لرنینگ مسکونی اوی‌گه توشگنی سبب، بیر باله هلاک و باشقه ۳ باله و بیر عیال یره‌لنگن.
کنر حاکمی سوزلاوچیسی نینگ کوپه‌یتیریشیچه، اوشبو واقعه مروره تومنی نینگ «ترخواوبه» منطقه‌سیده یوز بیرگن.
کنر ولایتی نینگ بیرقطار منطقه‌لری نیچه ییلدن بویان پاکستان حربی‌لری نینگ راکتی هجومی آستیگه قرار بیریله‌دی.
بوندن آلدین پاکستان حربی‌لری، اوشبو ولایت نینگ سرکانوی تومنی‌نی راکتی هجوم آستیگه قرار بیرگن ایدی و نتیجه‌ده عیال‌لر و باله‌لر شامل ۶ تینچ اهالی هلاک و باشقه ۱۱ تینچ اهالی یره‌لنگن ایدی.