اوزبیکستان و امریکا قوشمه ایالتلری عملدارلری اورتهسیده، تورلی ساحهلرده شرطنامهلر امضالندی.
اوزبیکستان جمهورلیک ریاستی، بوگون (۳۰ دلو/۱۹ فبروری، پنجشنبه) بیر بیانیه ترقهتیب، اوشبو شرطنامهلر واشنگتنده بو مملکت جمهور باشلیغی شوکت میرضیایف، امریکا سودا وکیلی جیمسون گریر و باشقهلر اشتراکیده امضالنگنینی ایتگن.
بیانیه گه کوره، بو اوچرهشوده اوزبیکستان – امریکا استراتیژیک شیریکلیکنی ینهده مستحکملشنینگ عملی جهتلری شونینگدیک، استوار یونهلیشلرده همکارلیک لایحهلرینی ایلگری سوریش مسئلهلری حقیده بحث قیلینگن.
معلوماتلر اساسیده، امریکا و اوزبیکستاننینگ اوز ارا سودا حجمی ۱ میلیارد دالردن آشگن و اوزبیکستانده امریکانینگ ۳۴۰ گه یقین کمپنیهلری فعالیت یوریتماقده. اوزبیکستانده امریکا کمپنیهلری برق، اوته مهم مینراللر، ترانسپورت، ایکینچیلیک، اخبارات تکنالوژیلری و باشقه ساحهلرده فعالیت یوریتهدی.
شوکت میرضیایف امریکا جمهور باشلیغی دونالد ترامپنینگ تکلیفی گه بناً ۲۸ دلو/۱۷ فبروری کونی تینچلیک کینگشینینگ دستلبکی ییغیلیشیده اشتراک ایتیش اوچون عملی تشریف بیلن واشنگتن گه باردی.
