غزنی ده محلی رسمیلرنینگ اعلام قیلیشیچه، اوشبو ولایتنینگ اوچ تومنیده ۱۱۰ میلیون افغانی عوضیگه ۱۰ ته مکتب قوریلگن.
محلی رسمیلرگه کوره، مذکور مکتبلر بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، مالی حمایتی بیلن قوریلیب، ۴-سرطان، چهارشنبه کونی فایدهلنیشگه تاپشیریلگن.
بیزلرنینگ «ایکس» ترماغی ده هم تعقیب قیلینگ!
غزنی معارف ریاستی باشلیغی میرنصیراحمد حسینی، آببند تومنیده بو مکتبلردن بیرینینگ آچیلیشی مراسمیده ایتیشیچه، مذکور لایحه آببند تومنیده ایکیته مکتب، اجرستان تومنیده اوچته مکتب و گیلان تومنیده ایسه بیشته مکتبدن عبارت دیر.
حسینینینگ کوپهیتیریشیچه، اوشبو بنالردن هر بیری آلتی درسی صنف، اداره، برق و سوو ییتکزیش سیستمی و ستندرد تعلیم اوچون نیاز بولگن باشقه بیر قطار امکانیتگه ایگه دیر.
بیزلرنینگ فیسبوک صحیفهمیزگه باش اورینگ!
غزنی معارف باشلیغیگه کوره، بو مکتبلرنینگ فایدهلنیشگه تاپشیریلیشی بیلن اوشبو ولایتنینگ اوچ تومنیدهگی مینگلرچه اوقووچی، یخشیراق محیط و یخشیراق تعلیمی امکانیتدن فایدهلنیشی ممکن.
یونیسف، افغانستان ده بالهلر حقوقی و تعلیمیدن حمایت قیلیش توغریسیدهگی فعال خلقارا نهادلردن بیری بولیب و سونگی ییللرده، تورلی ولایتلرده تعلیم بولیمیده بیر قطار لایحهلرنی تمویل قیلگن.
