بامیان کسلخانه‌سی مسوول‌لری نینگ ایتیش‌لریچه، اوشبو ولایت ساغلیک ایشلاوچی‌لریدن بیری کرونا ویروسی‌گه قرشی واکسین ایتیلگنیدن سونگ، دنیا دن اوتگن.
بامیان کسلخانه‌سی باشلیغی فروغ امیری نینگ ایتیشیچه، مذکور کیشی نینگ قنده‌ی دنیا دن اوتگنی‌نی تیکشیریش اوچون ساغلیک بیر تیم وظیفه‌لنتیریلگن. اونینگ ایتیشیچه، دنیا دن اوتگن کیشی نینگ فشاری یوقاری و قلبی کسل‌لیگی بار ایکن، بیراق، اونینگ قلبی کسل‌لیک یا-ده کرونا گه قرشی واکسین ایتیلگنی سبب، دنیا دن اوتگنی بیللی ایمس.
بامیان ولایتی بوییچه ساغلیق‌نی سقلش ریاستی‌دن باشقه بیر منبع نینگ ایتیشیچه، مذکور ساغلیک ایشلاوچی نینگ دنیا دن اوتگنی موضوعی تیکشیریلگنیدن سونگ، نتیجه میدیالر بیلن شریک ایتیله‌دی.
کرونا ویروسی گه قرشی ایملش دستوری اوتگن هفته باشلندی و بیرینچی مرحله‌ده ساغلیک ایشلاوچی‌لر، خبرچی‌لر و امنیتی کوچلرنینگ اوشبو واکسین دن فایده‌لنیشی ممکن.