شمالی کوریانینگ رسمی آژانسی «کیسیانای»، روسیهنینگ اوکراینگه قرشی اوروشیده حضوری بولگن قوماندانلر و عسکرلر شامل کوریا خلق اردوسینینگ مهندسلیک بولیمی مملکت گه قیتگنیدن خبر بیرگن.
کوریا رهبری کیم جونگ اون، مذکور کوچلرنینگ قیتگنینی خوش قرشیلب و اولرنینگ حرکتلرینی «قهرمانلیک» و «گروهی جسارت» نمونهسی دیگن.
اونینگ ایتیشیچه، قیین اوروش وضعیتیده کوریانینگ مهندسلری، خوفلی منطقهلرنی تازهلب، حزب و مملکتلریگه «صادقلیکلری» نی بیلدیرگنلر. شونینگدیک کیم کوچلرینینگ بیردملیگی، قانون-قاعدهنینگ رعایت قیلگنی و سیاسی تعلیملرینی قدرلهب و اولرنینگ حرکتلرینی، مملکتیدهگی باشقه قوراللی کوچلر اوچون بیر نمونه عنوان قیلگن.
کوریا رهبریگه کوره، مذکور عسکرلرنینگ ۱۲۰ کونلیک اوشبو ماموریتی جریانیده، اولردن ۹ تهسی هلاک بولگن.
مذکور حربی بولیم، جاری ییل اگست آیینینگ باشلریده اوکراین بیلن روسیه اوروشی جریانده اوروش و مهندسلیک ایشلرینی بجریش مقصد، کورسک منطقهسیگه یوباریلگن.
روسیه مدافعه وزیرلیگی گزارشی اساسیده، کوریانینگ کوچلری روسیهنینگ حربی عملیاتینی قوللب-قوتلش و ماینلرنی تازهلشگه یاردم بیرگنلر.
