سرپرست حکومت ایچکی ایشلر وزیرلیگی امن عامه ریاستی نینگ مطبوعات دفتری سلام‌وطندار گه یوللـه‌گن خبرنامه‌سیده، اوشبو وزیرلیک امن عامه خوفسیزلیک کوچلری هرات ده بیش یاشر بیر قیزنی آدم اوغری‌لر قولیدن قوتقرگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
خبرنامه اساسیده، هرات شهری ییتّینچی ناحیه یشاوچیسی فهیمه توقیز کون آلدین هرات شهری ییتّینچی خوفسیزلیک حوزه حدودلریدن ایکّی عیال تامانیدن اوغیرلنگن اېدی، بیراق ایچکی ایشلر وزیرلیگی احزاب امن عامه ریاستی نینگ بیشینچی کندک کوچلری نینگ سعی-حرکتی طفیلی ۲۲-حمل، چهارشنبه کونی توش‌دن کېین ساعت ۱:۱۵ اطرافیده آدم اوغری‌لر قولیدن قوتقریلیب و عایله‌سیگه تاپشیریلگن.
خبرنامه ده کېلیشیچه: «بیش یاشر فهیمه، هرات شهری ییتّینچی حوزه مزار شاه حسین کوچه‌سی اصلی یشاوچیسی بولیب و هرات شهری اونینچی ناحیه اصلی یشاوچیلری و حاضر هرات شهری ۱۴-ناحیه یشاوچیلری بولمیش یارمحمد قیزلری مهناز و لطیفه اسملی عیاللر تامانیدن اوغیرلنگن اېدی، احزاب امن عامه بیشینچی کندک کوچلری نینگ سعی-حرکتی طفیلی آدم اوغری‌لر توتقینلنیب و فهیمه اېسه اولر قولیدن قوتقریلگن.»
بیزلرنینگ «ایکس» ترماغی ده هم تعقیب قیلینگ!
ایچکی ایشلر وزیرلیگی امن عامه ریاستی نینگ مطبوعات دفتری گه کوره، مذکور ریاست رهبریتی مملکت‌ده خوفسیزلیک تامین اېتیلیشی اوچون امن عامه کوچلری نینگ تون-کون آلیب باره‌یاتگن فعالیت‌لریدن منتدارلیک بیلدیریب و یشاوچیلردن هم خوفسیزلیک تامین اېتیلیشی بولیمیده همکارلیک قیلیش‌لرینی اېسته‌گن.
