بوگون (پنج‌شنبه ۲۸- حوت) کابل پولیس قومندانلیگی نینگ ایتیشیچه، کابل شهریده دولت ایشلاوچی‌لری مینیلگن کاستر تیپلی بیر موترده یوزبیرگن پارتلش ده ۴ کیشی هلاک و باشقه ۱۱ کیشی ایسه یره‌لنگن.
مذکور پارتلش بوگون ایرته‌لب ساعت ۷:۲۰ اطرافیده کابل شهری نینگ ۱۷- خوفسیزلیک حوزه‌سیگه تیگیشلی کوتل خیرخانه منطقه‌سیده یوزبیرگن.
پولیس نینگ ایتیشیچه، مذکور موتر نیچه وزیرلیک ایشلاوچی‌لریگه تیگیشلی دیر و قربانی‌لردن کوپینچه‌سی مخابرات وزیرلیگی ایشلاوچی‌لری دیر.
مذکور پارتلش مسئولیتی نی طالبان شامل حاضرگچه هیچ بیر گروه بوینیگه آلمه‌گن.
شونینگدیک دوشنبه کونی دولت ایشلاوچی‌لری گه تیگیشلی بیر موتر ده یوزبیرگن پارتلش ده ۴ عیال و بیر باله جان بیرگن ایدی. مذکور عیاللر مخابرات، معارف و معلومات و مدنیت وزیرلیگی ایشلاوچی‌لریگه تیگیشلی ایکن. بو حادثه‌ده باشقه ۱۵ کیشی یره‌لندی.