بلخ ولایتی سپورت و جسمانی تربیهلش ریاستی، اوشبو ولایتده بیر سوداگر تامانیدن ایکّی میلیون دالرلیک زمانهوی بیر «سوو پارکی» توزهلگنیدن خبر بیرهدی.
اوشبو ادارهنینگ معلوماتی اساسیده، «الماس سوو پارکی» بیر جریب ییرده بلخ مرکزی مزارشریف شهریده توزهلیب و ۸-جوزا، پنجشنبه کونی فعالیت گه باشلهگن.
بیزلرنینگ فیسبوک صحیفهمیزگه باش اورینگ!
اوشبو سوو پارکی مسئولی محمدرضا جمالی گه کوره، بلخ ولایتی یشاوچیلری گه سپورت و دمآلیش امکانیتی یرهتیلیشی اوچون بو مکان توزهلگن.
جمالینینگ کوپهیتیریشیچه، دنیا معیارلریگه تېنگ بو زمانهوی سوو پارکی، بیرینچی مرته مزارشریف شهریده توزهلگن.
تورت قووتلی بو سوو پارکیده کتّه سوزیش حوضی، قوروق و بخار جکوزی اتاقلری، ساووق سوولی تونل، توزلی حوض و سوو بیلن دوالش کبی بولیملر بارلیگینی اېتهدی، اوشبو سوو پارکی مسئولی محمدرضا جمالی.
بیزلرنینگ «ایکس» ترماغی ده هم تعقیب قیلینگ!
او، یشاوچیلر و سوزیش بولیمی سپورتچیلریگه، بو مکانده امنیتی و ساغلیق بوتون مسئلهلر جدی رعایت اېتیلیشیدن ایشانچ بیلدیرهدی.
