بلخ ولایتی نینگ بلخ تومنی پولیس قومندانی عبدالودود مجاهد اولگنیدن سونگ، اوغلی احمد سیر مجاهد پولیس قومندانی صفتیده تعیین‌لنگن.
بلخ ولایتی نینگ بلخ تومنی بیرقطار یشاوچیلری، احمد سیر مجاهد نینگ اوشبو تومنده پولیس قومندانی صفتیده تعیین‌لنگنیدن تنقید قیلگنلر.
عین‌حالده، بلخ ولایتی کینگش باشلیغی افضل حدید، بونده‌ی یمان شرایط ده حربی بولیم‌ده تجربه‌سی بولمه‌گن بیر کیشی نینگ بلخ تومنی نینگ پولیس قومندانلیگی صفتیده تعیین‌لنیشی‌نی ناتوغری ایش عنوان قیلگن، بیراق اوشبو تومنی مدیریت قیلیش اوچون مسلکی کیشی‌لرنی جناب مجاهدگه یاردم بیریشی‌نی بیلدیرگن.
بلخ پولیس قومندانلیگی سوزلاوچیسی عادل‌شاه عادل نینگ سلام‌وطندارگه ایتیشیچه، عبدالودود مجاهد نینگ اوغلی یشاوچی‌لر ایسته‌گی اساسیگه بلخ تومنیده پولیس قومندانی صفتیده تعیین‌لنگن.
بلخ ولایتی کینگشی باشلیغی نینگ ایتیشیچه، احمد سیر مجاهد ۲۳ یاشر دیر، بیراق بلخ پولیس قومندانلیگی سوزلاوچیسی‌گه کوره، احمد سیر مجاهد قانونی یاش‌نی تولدیرگن.
بوتوغریده احمد سیر مجاهد نینگ فکرینی آلیش اوچون سعی و حرکت قیلدیک، بیراق موفق بولمه‌دیک.