شمالی کوریا رهبری کیم جونگ اون، اوزاق مسافهلی ستراتژیک کروز راکتهلرینینگ آتیش سیناوینی نظارت قیلیب و بو مملکت هستهای امکانیتینینگ «برقرار و چیکسیز» رواجلنیشینی سورهگن.
شمالی کوریا رسمی آژانسینینگ گزارش بیریشیچه، بو سیناو حاکم حزب کنگرهسی اوتکزیلشی عرفهسیده و پیونگیانگ توسیق بولیش صلاحیتینی نمایشگه قوییش دایرهسیده عملگه آشیریلگن.
گزارش اساسیده، راکتهلر تعیینلنگن یولده اوچیشدن کیین، موفقیتلی طرزده مقصدیگه ییتیب بارگن.
بو ییتکرمه گزارشیگه کوره، کیم جونگ اون عملگه آشیریلگن سیناودن رضایتینی بیلدیریش بیلن ایتیشیچه، خوفسیزلیک تهدیدلرگه قرشی دایمی تیارگرلیک و تیزلیکده جواب بیریش امکانیتینی بهالش کیرهک.
اوشبو آتیش، ۲۰۲۶-ییل باشیده حاکم حزب کنگرهسی اوتکزیلیشیدن آلدین شمالی کوریانینگ حربی و اقتصادی فعالیتلری مجموعهسیدهگی اینگ سونگی واقعه حسابلنهدی.
