اسلام امیرلیگی ستندرد و صفت ادارهسی، مملکت ایچکی معیارلریگه تینگ بولمهگن ۹.۱ تُن صفتسیز «سرامیک»، شیخ ابونصر فراهی بندریده قیتریلگنینی بیلدیردی.
اوشبو اداره، بوگون (۱۵ ثور/۵ می، سهشنبه) ایکس صحیفهسیده بیر بیانیه ترقهتیب، اوشبو مقدار سرامیک انشاآت مادهلری صفتلیگینی سقلش اوچون برچه تامانلمه تیکشیرودن کیین صفتسیزلیگی انیقلنگچ، قیتریلگنینی ایتگن.
ستندرد و صفت ادارهسی، چیت ایل مملکتلردن کیلتیریلهیاتگن بوتون توارلرنینگ صفتینی انیقلش جریانی شفاف، ترتیبلی و جدی شکلده تیکشیریلهدی و صفتسیزلیگی انیقلنگن حالده، مملکت بازارلریگه کیریتیش ایزینی بیریلمسلیگینی قوشیمچه قیلگن.
اوشبو اداره، سوداگرلر و تشقی مملکتلردن توار کیلتیرهیاتگنلردن، مملکت ایچکی معیاری و توارلرنینگ صفتی گه دقت قیلیب و بو توغریده ستندرد و صفت ادارهسی بیلن همکارلیک قیلیشلرینی سورهیدی.
بوندن آلدین هم، مملکت ایریم بندرلریده صفتسیز توارلر قیتریلگنی ایتیلگن.
