افغان قیزیل آی جمعیتی دفتری مسئوللری، بوگون (پنجشنبه، ۱۲-میزان)، کابل ده یولگه قوییلگن بیر برنامه‌ده ایتیشلریچه، هلمند، فراه و فاریاب دن سرپرست‌سیز عیاللر شامل ۸۰۰ کیشی نی مسلکی ایش اورگه‌نیشلری مقصد، افغان-کوریا انستیتیوتی گه تانیشتیرگنلر.
افغانستان مرستونلر باشلیغی الیاس‌خیل ناصری نینگ ایتیشیچه، مذکور ایش اورگنووچیلر ییتی بولیم جمله‌دن کمپیوتر، اینگلیزچه، تیکووچیلیک، موتر تخنیکی، اوی نینگ الکترونیکی اوسکونه‌لرینی تعمیرلش، بنالر گه لین تارتیش و نل‌دوانلیک بولیم‌لریده تعلیم کوره‌دیلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بو برنامه نینگ توپلم خره‌جتی قریب بیر میلیون دالر بوله‌دی که، عیاللر شامل ۸۰۰ کیشی نی پوشش بیره‌دی و مذکور برنامه‌ده ایش اورگنووچیلر مسلکی ایش اورگهنیش تعلیم‌لرینی آله‌دیلر.»
شونده‌ی بیرحالده، مذکور برنامه‌ده حضوری بولگن افغانستان ده قطر قیزیل آی جمعیتی دفتری سرپرستی احمد محمد ال‌عثمانی نینگ ایتیشیچه، اوشبو مملکت افغانستان گه انسان‌پرورلیک یاردم‌لرینی دوام بیره‌دی. اونینگ کوپه‌یتیریشیچه: «تیریکچیلیک اوچون بولگن لایحه‌‌لر بیزلر آرقه‌لی حمایت بولیب و شریکلریمیز اونینگ عمل‌گه آشیره‌دیلر. افغانستان بیلن نیازمندلر گه انسان‌پرورلیک بولیمی‌ده یاردملریمیز نی دوام بیریش گه سوز بیره‌میز.»
شونینگدیک ایش اورگنووچیلردن قطاری سرپرست حکومت‌دن، افغان-کوریا انستیتیوتی نینگ مسلکی ایش اورگهنیش بولیم‌لریدن فارغ بولگنلریدن کیین، اولر گه دایمی ایش زمینه‌سی یره‌تیلیشی نی ایسته‌گنلر.
اوشبو انستیتیوت نینگ کمپیوتر بولیمی‌ده‌گی ایش اورگنووچیلردن اورنگ‌زیب نینگ ایتیشیچه، فارغ بولگنلریدن کیین اولر گه ایش زمینه‌سی یره‌تیلیشی کیره‌ک. «افغانستان ده ایش فرصتلری کم‌لیگی اوچون بو نهاد مسلکی ایش اورگهنیش تعلیم‌لرینی بیرگنلریدن کیین، ایش زمینه‌سی نی یره‌تیشلری کیره‌ک.»
بیزلرنینگ «ایکس» ترماغی ده هم تعقیب قیلینگ!
افغان-کوریا انستیتیوتی نینگ تیکووچیلیک بولیمی‌ده‌گی ایش اورگنووچیلردن بی‌بی عایشه نینگ ایتیشیچه، یشاوچیلر گه کوپراق مسلکی ایش اورگنیش زمینه‌سی نینگ یره‌تیلیشی کیره‌ک. اونینگ کوپه‌یتیریشیچه: «چیکلاولر سبب عایله خره‌جتی نی تامین‌لش اوچون تیکووچیلیک قیلیش گه مجبورمیز. منتدارلیک بیلدیره‌میز که مسلکی ایش اورگهنیش زمینه‌سینی بیزلر گه یره‌تگن.»
ایتیش کیره‌ک که، افغانستان ده مسلکی ایش اورگهنیش برنامه‌لریدن کوپینچه‌سی، مسلکی و تخنیکی تعلیملر اداره‌سی آرقه‌لی عمل‌گه آشیریله‌دی. مسلکی و تخنیکی تعلیملر اداره‌سی نینگ معلوماتی اساسیده، اوتگن بیر ییلده ۱۹ مینگ کیشی بو نهاد نینگ مسلکی ایش اورگهنیش مرکزلریدن فارغ بولیب و ایش تاپگنلر.