تورکیهنینگ انتالیا شهریده یولاوچی تاشوچی اتوبس آغدریلیب کیتیشی عاقبتیده ۸ کیشی اولگن و ینه ۲۶ نفر یولاوچی یرهلنگن.
ییتکرمهلرنینگ معلوماتیگه کوره، بو واقعه ۱۲ دلو / ۱ فبروری، یکشنبه کونی یوز بیرگن.
معلوماتلر اساسیده، تورکیهنینگ تیکیرداغ ولایتیدن انتالیا گه کیتهیاتگن اوشبو اتوبس، هیداوچینینگ دقتسیزلیگی سبب جرلیککه توشیب کیتگن و نتیجهده ۸ نفر یولاوچی اولیب و ینه ۲۶ نفر یرهلنگن.
انتالیا حاکمی هولوسی شاهیننینگ معلوم قیلیشیچه، هیداوچی اتوبس بوریلیشینی عهدهلی آلمهگن و یولدن چیقیب آغدیریلگن.
سونگی معلوماتلر گه کوره، اولگنلرنینگ برچهسی تورکیه اهالیسی دیر. جراحتلنگنلرنینگ ایریملری آغیر احوالده، اتوبس ایچیده جمعی ۳۴ کیشی بولگن.
اوللراق هم نوایی ولایتینینگ تامدی تومنیده ایچیده ۴۷ یولاوچیسی بار اتوبس آغدیریلیب کیتگندی. حادثه عاقبتیده ۲ کیشی اولگنی ایتیلگن.
