فلسطین ساغلیقنی سقلش وزیرلیگینینگ اعلام قیلیشیچه، پنجشنبه کونی ایرتنگ چاغیدن حاضرگچه، اسرائیل هجوملری نتیجهسیده، کمیده ۶۱ فلسطینلیک قربان بولیب و باشقه اونلب کیشی یرهلنگن.
الجزیرهنینگ بوگون (۷-سنبله، جمعه)، گزارش بیریشیچه، اسرائیل هجوملرینی نوار غزه بویلب اینیقسه غزه شهریگه کوچهیتیرگن.
گزارش اساسیده، قربان بولگنلردن ۱۹ تهسی انسانسیورلیک یاردم قولگه کیلتیریش پیتیده اوققه توتیلگنلر.
باشقه بیر تاماندن، بیر کیچهوکوندوزده اسرائیل غزه شهرینینگ شرقی و جنوبی بولیملریگه هجوملرینی کوچهیتیرگن.
بیزلرنینگ فیسبوک صحیفهمیزگه باش اورینگ!
بو بیلن بیرگه، بیرلشگن ملتلر تشکیلاتی باشکاتبی آنتونیو گوترش، اوروشنینگ «ینگی و خوفلی باسقیچی» گه نسبت آگاهلنتیرگن.
گوترشنینگ ایتیشیچه: «غزه شهریگه کینگ کولمی حربی عملیاتنینگ ویران قیلووچی عاقبتی بولیشی ممکن. یوزلب مینگ تینچ اهالی آلدیندن چرچهب و زیان کورگنلر که قیته قاچقیشگه مجبور بولیشلری ممکن و عایلهلرنی جدی خوف بیلن روپهره قیلهدی.»
بیرلشگن ملتلر تشکیلاتی باش کاتبی، غزه ده اوروش توختهتیلیشیگه تاکیدلب و کوپهیتیریشیچه، محاصره بولگن بو منطقهده «فاجعه»، اسرائیلنینگ قصدی قرارلرینینگ نتیجهسی دیر که انسانی قاعده-قانون بیلن «ضد» کیلهدی.
غزه ساغلیقنی سقلش رسمیلریگه کوره، غزه ده اسرائیل اردوسی آرقهلی ۶۲ مینگ ۹۰۰ دن آرتیق فلسطینلیک قربان بولگن که اولردن کوپینچهسینی عیاللر و بالهلر تشکیل بیرهدی.
