بغلان ولایتی محلی رسمی‌لری، اوشبو ولایت نینگ خنجان تومنیده ترافیکی حادثه عاقبتیده ۱۷ کیشی قربان بولیب و باشقه ۳۴ کیشی یره‌لنگنیدن خبر بیره‌دیلر.
بیزلرنینگ فیسبوک صحیفه‌میزگه باش اورینگ!
بغلان ولایتی امنیه قوماندان‌لیگی سۉزلاوچیسی شیراحمد برهانی گه کوره، اوشبو واقعه بوگون (۲۶-سرطان، سه‌شنبه) ۵۸۰ رسوملی بیر موتر مذکور ولایت نینگ خنجان تومنیده یولدن چیقیب قولشی باعث یوز بیرگن.
اونینگ کوپه‌یتیریشیچه، بو واقعه ده ۱۲ ایرکک، ایکّی عیال و اوچ باله شامل ۱۷ کیشی قربان بولیب و عیاللر همده باله‌لر شامل باشقه ۳۴ کیشی یره‌لنگن.
مذکور واقعه طفیلی یره‌لنگنلر پلخمری شهری نینگ کسلخانه‌سیگه آلیب باریلگن‌لیگینی معلوم قیله‌دی، بغلان ولایتی امنیه قوماندان‌لیگی سۉزلاوچیسی شیراحمد برهانی.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، مملکت نینگ بیرقطار ولایت‌لری اینیقسه بغلان ده یوللر بوزوق‌لیگی، تارلیگی و هیداوچیلر نینگ دقت‌سیزلیگی سبب، انده-سنده بو گَل واقعه یوز بیریب و یشاوچیلردن قربان‌لیک آله‌دی.
