فلسطین ساغلیق‌نی سقلش رسمی‌لری، اسرائیل اردوسی‌نینگ غزه گه هجوملری عاقبتیده چمه‌سی ۴۴ کیشی هلاک بولیب و باشقه اونلب کیشی یره‌لنگن.
رویترز یېتکرمه‌سی گه کوره، اوشبو کیشی‌لر اسرائیل اردوسی‌نینگ سۉنگی ۲۴ ساعت ایچیده غزه جنوبی حدودلریده‌گی هجوملریده قربان بولگنلر.
بیزلرنینگ فیسبوک صحیفه‌میزگه باش اورینگ!
قربان‌لر آره‌سیده باله‌لر بارلیگی اېتیلگن.
ایکّی کون آلدین بیرلشگن ملتلر تشکیلاتی‌نینگ انسان حقلری اداره‌سی، اسرائیل‌نینگ غزه حدودلریده‌گی هجوملری عاقبتیده قربان بولگنلرنینگ قریب ۷۰ فایزینی عیاللر و باله‌لر تشکیل بیریشینی اېتگن.
اسرائیل و حماس اۉرته‌سیده اوروش باشلنگنیدن ۱۳ آی‌دن کوپ اوتماقده و اوشبو مدت ایچیده غزه‌ده آتیش کېسین برقرار اېتیلیشی اوچون خلق‌ارا واسطه‌چیلرنینگ برچه‌سی سعی-حرکتلری حاضرگه قدر نتیجه بیرمه‌گن.
بیزلرنینگ «ایکس» ترماغی ده هم تعقیب قیلینگ!
فلسطین ساغلیق‌نی سقلش وزیرلیگی‌نینگ معلوماتی اساسیده، اسرائیل و حماس اۉرته‌سیده اوروش باشلنگنیدن بیری فلسطین‌لیک ۴۳ مینگ ۵۰۰ کیشی قربان بولیب و باشقه ۱۰۲ مینگ ۷۶۰ کیشی یره‌لنگن.
