فلسطینلیک «وفا» آژانسینینگ گزارش بیریشیچه، نوار غزه ده آتیش کیسین باشلنگنیدن بویان، اسرائیل هجوملریده ۴۱۱ فلسطینلیک قربان بولیب و بیر مینگ ۱۱۲ کیشی یرهلنگن.
الجزیره خبری آژانسینینگ گزارشی اساسیده، ینگی موردده اسرائیل حربیلرینینگ غزه شهری شرقیدهگی مستقیم آتیشمهسی عاقبتیده، فلسطینلیک بیر ایرکک قربان بولگن.
شونینگدیک اکتبر آییده آتیش کیسین کیلیشووی باشلنگنیدن بیری، مهم بشری یاردملر توغریسیده اسرائیل چیکلاولری دوام قیلیب و آواره فلسطینلیکلرنینگ کیرهکلی توارلر و وقتینچهلیک باشپنهدن فایدهلنیشیگه توسیق بولگن.
غزهنینگ دولتی ییتکرمهلر ادارهسی، آتیش کیسین کیلیشووی اساسیده کونده بشری یاردملر یوکلنگن ۶۰۰ کامیوننینگ کیریشیگه نیاز بولگنی بیرحالده، هر کونی اورته شکلده ۲۴۴ کامیوننینگ نوار غزه گه کیلیشینی معلوم قیلگن.
