اسرائیل حربی کوچلرینینگ غزه تورلی حدودلریده کیتمه-کیت هجوملری عاقبتیده چمهسی ۳۱ فلسطینلیک جملهدن ۶ باله قربان بولگن.
ییتکرمهلرنینگ معلوماتیگه کوره، اسرائیل ۱۱ دلو / ۳۱ جنوری، شنبه کونی غزه تورلی حدودلریگه هجوم اویوشتیرگن.
معلوماتلر اساسیده، اسرائیل حربی کوچلرینینگ غزه شمالغربیده المواصی و خان یونس حدودلریده آوارهلر خیمهلریگه اویوشتیرگن هجوملریده، کمیده ۷ فلسطینلیک جملهدن اوچ باله قربان بولگن.
شو بیلن بیرگه، اوشبو شهرنینگ غربیده رِمال حدودیدهگی یشش بنالر نشانگه آلینیشی نتیجهسیده چمهسی ۵ فلسطینلیک جملهدن اوچ باله قربان بولگن. شونینگدیک غزه شهری درج محلهسیده بنالرده اویوشتیریلگن هجومده ۸ کیشی یرهلنگن.
غزه دولت ییتکرمهلر ادارهسی، حماس و اسرائیل اورتهسیده آتیش کیسین برقرار ایتیلگنیدن بیری، اسرائیل هجوملریده بالهلر و عیاللر شامل کمیده ۵۲۴ کیشی قربان بولگنینی بیلدیرگن.
معلوماتلر گه کوره، میلادی ۲۰۲۳ ییل، ۷ اکتوبر کونیده اسرائیل غزه گه هجوملرینی باشلگنیدن حاضرگچه، ۷۱ مینگ ۶۰۰ فلسطین قربان بولگن.
