لبنان ساغلیقنی سقلش وزیرلیگی، اسرائیل آرقهلی لبنان جنوبی و بیروت شهری جنوبی حدودیگه اویوشتیریلگن هوا هجوملری نتیجهسیده، ۳۱ کیشینینگ قربان بولگنیدن خبر بیرگن.
بوگون (۱۱-حوت/ ۲-مارچ، دوشنبه)، اویوشتیریلگن مذکور هجوملرده، شونینگدیک اوشبو ۱۴۹ کیشی یرهلنگن.
بو هجوملر ایران رهبری آیتالله علی خامنهاینینگ ترور بولگنی توغریسیده قصاص آلیش مقصد حزبالله لبناننینگ اسرائیل تامان راکته و پهپادلرنی آتگنیدن کیین، عملگه آشیریلگن.
اسرائیل اردوسینینگ اعلام قیلیشیچه، حزبالله لبنان برابریده هجوملرینی کوچهیتیریب و حاضرگچه نیچه منطقهده قورال انبارلرینی نشانگه آلگن.
شونینگدیک اسرائیل بوندن آلدین، لبنان جنوبیده نیچه منطقه و شرقیده جایلشگن «بقاع» درهسیده ۳۰ منطقهنینگ بمباردمانگه تیار توریش حقیده آگاهلنتیرگن ایدی.
