نوار غزه ده طبی منبعلرنینگ اعلام قیلیشیچه، اسرائیل آرقهلی اوشبو منطقهنینگ بیر قطار بولیملریگه اویوشتیریلگن ینگی هجوم نتیجهسیده، ۲۸ فلسطینلیک قربان بولگن.
الجزیره خبری ترماغینینگ بوگون (پنجشنبه، ۲۹-عقرب)، گزارش بیریشیچه، شونینگدیک مذکور هجومده کمیده ۷۷ فلسطینلیک یرهلنگن.
بو، نوار غزه ده حماس و اسرائیل آرهسیدهگی آتیش کیسین برقرار بولگنیدن بویان عملگه آشیریلگن اینگ ینگی و ییریک آتیش کیسین بوزیلیشی دیر. اوشبو هجوم ایسه غزه اهالیسی آرهسیده دهشت تولقینیگه سبب بولگن.
اوتگن کونی اویوشتیریلگن هجوملرده نوار غزهده تورلی اوچ بولیم جملهدن خانیونس یقینیده «المواسی» منطقهسی، «شجاعیه» ده آواره عایلهلر بولگن گوجوم بیر تورت یولی و زیتون حدودیده جایلشگن یشش بیر بنا نشانگه آلینگن.
محلی خبرچیلرنینگ گزارش بیریشیچه، اسرائیل هوا عملیاتی کوچی، غزه فضاسینی بوتونلی بوزیب و یشاوچیلردن قطارینینگ یشش جایلرینی قیته ترک قیلیشگه مجبور قیلگن.
اوشبو هجوملر، اسرائیل و حماس آرهسیده ۱۰-اکتبر آتیش کیسین برقرار بولگنی بیرحالده، یوز بیرگن؛ بیراق سونگی هفتهلرده نیچه مرته آتیش کیسین بوزیلگن. گزارشلر اساسیده، آتیش کیسین باشلنگنیدن حاضرگچه، اسرائیل آرقهلی اویوشتیریلگن هجوملرده قریب ۲۸۰ فلسطینلیک قربان بولگن.
