هلمند امنیتی مسوول‌لری نینگ ایتیش‌لریچه، اوشبو ولایتده طالبان تامانیدن بیر موترگه جایلشتیریلگن پارتلش ماده نینگ پارتله‌تیلگنی نتیجه‌سیده، امنیتی کوچلردن ۴ ته‌سی هلاک ایتیلگن.
هلمند حاکمی سوزلاوچیسی عمر زواک نینگ سلام‌وطندارگه ایتیشیچه، اوشبو هجوم نهرسراج تومنی نینگ «یخچال» منطقه‌سیده یوز بیرگن.
اونینگ ایتیشیچه، اوشبو هجومده امنیتی کوچلردن باشقه ۳ ته‌سی یره‌لنگن.
امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان جنگری‌لری امنیتی کوچلردن ایکی ته‌سینی اوزلری بیلن آلیب کیتگن.
طالبان گروهی اوشبو هجوم مسوولیتی‌نی بوینیگه آلیب و مذکور هجومده امنیتی کوچلردن کوپ قطاری هلاک و یره‌لنگنی‌نی بیلدیرگن.
افغانستان دولتی و خلق ارا جماعه‌سی طالبان گروهی‌دن زوروانلیک‌نی کمه‌یتیریب و آتیش‌کیسین اعلان قیلیشی‌نی سوره‌گن بیر حالده، اوشبو گروه بو هجوم مسوولیتی‌نی بوینیگه آلگن.