اسرائیل اردوسی نینگ غزه شهری ده آوارهلر مکتبی همده رفح شهری جنوبی حدودلریده هوا هجوملری عاقبتیده فلسطین‌لیک ۲۴ کیشی قربان بولگن.
رویترز نینگ گزارشی اساسیده، اسرائیل اردوسی ۱۳-اسد، شنبه کونی غزه حدودلری «شیخ رضوان» ده آوارهلر ییرلشگن مکتب ده اۉیوشتیرگن هوا هجوملریده فلسطین‌لیک ۱۵ کیشی قربان بولگن.
بیزلرنینگ فیسبوک صحیفه‌میزگه باش اورینگ!
رویترز اسرائیل اردوسیدن نقل قیلیب، بو مکتب حماس نینگ قرارگاهی بولیب و قورال توزه‌تیش مرکزی صفتیده قوللنیشنی ادعا قیلگن، لېکن حماس ترقه‌تگن بیانیه‌سیده بو ادعانی رد اېتگن.
معلومات‌لر اساسیده، اسرائیل هوا کوچلری نینگ رفح جنوبی حدودلری طولکرم یقینیده اۉیوشتیرگن هوا هجوملری عاقبتیده فلسطین‌لیک باشقه آلتی کیشی قربان بولگن.
بیزلرنینگ «ایکس» ترماغی ده هم تعقیب قیلینگ!
اسرائیل اردوسی، بوتون غزه دن شبه‌نظامی‌لر و حماس نینگ آست قورمه‌لرینی یوق اېتیش مقصدیده بو هجوملر اۉیوشتیریلگنینی معلوم قیلگن.
غزه ساغلیق‌نی سقلش رسمی‌لری نینگ معلوماتی اساسیده، حماس و اسرائیل اۉرته‌سیده دوام اېتیب کېله‌یاتگن اوروش ده حاضرگه قدر فلسطین‌لیک عیاللر و باله‌لر شامل قریب ۳۹ مینگ ۵۵۰ کیشی قربان بولگن.
