نوار غزه ده اسرائیل آرقهلی آتیش کیسیننینگ ینگی نقضیدن سونگ، بو منطقهنینگ تورلی بولیملریده نیچه باله شامل کمیده ۲۴ فلسطینلیک قربان بولگن.
الجزیره خبری ترماغینینگ بوگون (۲-قوس، یکشنبه)، گزارش بیریشیچه، اسرائیل اوتگن کون نوار غزهنینگ نیچه بولیمینی بمباردمان قیلگن.
گزارش اساسیده، بو هجوملر نتیجهسیده، باشقه ۸۷ فلسطینلیک یرهلنگن.
غزه رسمیلریگه کوره، دیرالبلح، نصیرات کمپی و غزه شهریگه اویوشتیریلگن مذکور هجوملر، سونگی هفتهلردهگی اینگ جدی آتیش کیسین بوزیلیشی حسابلنهدی.
فلسطین دولتی ییتکرمهلر ادارهسینینگ اعلام قیلیشیچه، حاضرگچه اسرائیل آرقهلی آتیش کیسین ۴۹۷ مرته بوزیلگن. نوار غزهده آتیش کیسین برقرار بولگنیدن بویان عیاللر، بالهلر و کیکسهلر شامل ۳۴۲ کیشی قربان بولگن.
شوندهی بیرحالده، اسرائیل باشوزیری ادارهسینینگ ادعا قیلیشیچه، هجوملری حماسنینگ اعضالریدن بیرینی هجومیگه قرشی جواب اولهراق عملگه آشیریلگن. حماس اسرائیلنینگ اوشبو ادعاسینی «بهانه توزهتیش» دیب و امریکا همده باشقه واسطهچیلردن آتیش کیسین نقضینینگ تیزلیککه توختهتیلیشی اوچون ارهلشلرینی ایستهگن.
