آسیا جنوبی بوییچه یونیسفنینگ منطقهای مدیری سانجی ویجسکرا، افغانستان ده قیزلر یوزیگه مکتبلر ایشیگی آچیلیشینی سورهگن. ویجسکرانینگ بوگون (۶-حمل/ ۲۶-مارچ، پنجشنبه)، اکس صحیفهسیده یازیشیچه، ینگی اوقوو ییلینینگ باشلنیشی، هر بیر باله اوچون امید بیرووچی بولیشی کیرهک.
بیرلشگن ملتلر تشکیلاتینینگ آزیق-آوقت و ایکینچیلیک دستوری افغانستان بولیمیگه کوره، اوتگن میلادی ییلده اوشبو مملکتده ۲۰۰۰ دن آرتیق عایلهگه بوغدای ایکیش پاکتلرینی ترقهتگن.
بیرلشگن ملتلر تشکیلاتی باش کاتبی آنتونیو گوترشنینگ ایتیشیچه، یقین شرقدهگی توقنشوولر کوپراق اوشبو اوروش باشلنگنیگه هیچ بیر اورنی بولمهگن کیشیلرگه زیان ییتیشتیرهدی.
اسلام امیرلیگی قاچقینلر وزیرلیگینینگ اعلام قیلیشیچه، پاکستان قماقخانهلریدن افغانستانلیک ۴۲۶ کیشی آزاد بولگن. اوشبو وزیرلیکنینگ بوگون (۶-حمل، پنجشنبه)، اکس صحیفهسیده یازیشیچه، مذکور کیشیلر جاری هفته جریانیده، قندهار ده اسپینبولدک چیگره قتناو یولی آرقهلی افغانستان گه قیتگنلر.
