کوپچیلیک میلادی ۲۰۲۶ ییلنی آت ییلی دیب اتهیدی. لیکن بیر «لیکن» بار. چین تقویمیده ینگی ییل دراو ۱-جنوریده ایمس، ۱۷- فبروری کونی کیریب کیلهدی. دیمک اوشه کونگچه حلی ایلان ییلی «نوبتچیلیک»نی تاپشیرمهگن حسابلنهدی.
چین تقویمی نیمه اوچون بوندهی؟
چین تقویمی آی-قویاش تیزیمیگه تینهدی: آیلر آی حرکتیگه، ییل ایسه فصللر گه ماسلشتیریلهدی. شو سبب هر ییلی چین ینگی ییلی سنهسی اوزگریب تورهدی و عادتده جنوری آخری – فبروی اورتهلری آرهلیغیگه کیلهدی.
۱۲ ییللیک حیوانلر ایلنمهسی
چین تقویمیده ییللر ۱۲ ته حیوان نامی بیلن یوریتیلهدی. بو حیوانلر طبیعت، حرکت و وقت ایلنیشینی رمزی افاده لهیدی. رویخط قوییدهگیچه:
۱. سیچقان
۲. سیگیر
۳. یولبرس
۴. قویان
۵. اژدها
۶. ایلان
۷. آت
۸. ایچکی
۹. میمون
۱۰. خوراز
۱۱. ایت
۱۲. چوچقه
نیمه اوچون سیچقاندن باشلنهدی؟
خلق روایتیگه کوره، آسمان حکمداری حیوانلرنی چقیریب، کیم بیرینچی کیلسه شونگه بیرینچی ییلنی بیرهمن، دیگن. سیچقان ایسه عیارلیک بیلن بیرینچی بولیب ییتیب کیلگن، سیگیر ایکینچی بولگن، قالگنلری ایسه کیلیشی ترتیب گه کوره جایلشگن. شونینگ اوچون ۱۲ ییللیک ایلنمه سیچقان ییلیدن باشلنهدی.
قیسقهسی، میلادی ۲۰۲۶-ییل «آت ییلی» دیگن گپ توغری، بیراق او ۱۷- فبروریدن کیین رسماً باشلنهدی. حاضرچه ایسه ایلان ییلینینگ سونگی سیریاللری کیتهیپتی – کیم بیلهدی، بلکی اینگ قیزیغی هم عینن آخریده بولر.
