اسلام امیرلیگی سوزلاوچیسی اورینباسری حمدالله فطرتنینگ ایتیشیچه، اوتگن کیچه قندهار ولایتی اسپینبولدک تومنیده پاکستان حربیلری بیلن بولگن توقنشووده، اسلام امیرلیگی کوچلریدن بیری «شهید» بولگن.
۱۲-عقربده یوز بیرگن زلزله نتیجهسیده اویلرینی قولدن بیرگن بلخ ولایتی مارمل تومنیدهگی عایلهلرنینگ ایتیشلریچه، حاضرگچه زلزله قورقووینی اونوتمهگنلری بیرحالده، ییتیب کیلهدیگن قیش موسومی هم اولرنینگ خواطرلنتیرگن.
اسلام امیرلیگی عالی اوقوو وزیرلیگی سوزلاوچیسی ضیاءالله هاشمی، بیر هیئت باشچیلیگیده بو وزیرلیک وزیری ندامحمد ندیمنینگ ایران گه کیتگنینی معلوم قیلگن.
قندهار ده منبعلرنینگ ایتیشلریچه، اوشبو ولایت اسپینبولدک تومنیگه پاکستان هجوملرینینگ قربانلری سانی، ۱۰ کیشیگه ییتیشگن. منبعلرنینگ کوپهیتیریشیچه، اوتگن کیچه پاکستاننینگ اسپینبولدککه اویوشتیرگن هجوملریده، بیش تینچاهالی «شهید» و باشقه بیش کیشی یرهلنگن.
امریکا جمهور باشلیغی دونالد ترامپ، واشینگتن ده ۲۰۲۶ خلقارا کپی بوییچه قرعه تشلش مراسمیده، فیفانینگ ینگی تشکیل ایتیلگن تینچلیک مکافاتینی آلگن.
اسلام امیرلیگی ایکینچیلیک، سووغاریش و چاروهچیلیک وزیرلیگینینگ اعلام قیلیشیچه، هلمند ده ۱۶۰ دن آرتیق اریچیلیک فارمینینگ فعالیتی بار.
خلقارا ییتکرمهلرنینگ گزارش بیریشیچه، امریکا سپتمبر آییدن حاضرگچه لاتین امریکا قیرغاقلری سوولریده بنگیوار مادهلر قاچاقی بیلن شغللنگنلیککه گمان قیلینگن کیمهلرگه، اعلام بولگن کمیده ۲۲ هجومنی اویوشتیرگن.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن ایکی مینگ ۹۶۵ افغانستانلیکنینگ جبری شکلده چیقریلگنینی معلوم قیلگن.
اسلام امیرلیگی سوزلاوچیسی ذبیحالله مجاهدنینگ اعلام قیلیشیچه، پاکستان ینه بیر مرته قندهارنینگ اسپینبولک تومنیگه هجوم قیلگن. او، بوگون ایرتهلب (۱۵-قوس، شنبه)، اکس صحیفهسیده بیر بیانیه آرقهلی یازیشیچه، اسلام امیرلیگی کوچلری اسپینبولدک ده پاکستان هجوملریگه قرشی عکسالعمل بیلدیرگن.
