زلزلهدن اوچ هفته اوتگچ یولاوچیلر حاضرگچه تنگی تاشقرغان دن قورقوو بیلن قتنهیدی
مملکت شمالیده ۱۲-عقرب یوز بیرگن زلزلهدن اوچ هفته اوتماقده. اوشبو زلزله نتیجهسیده افغانستاننینگ ترانزیتی قتناو یوللریدن بیری بولمیش تنگی تاشقرغان هم زیانلردن امان قالمهگن. دایم یولاوچیلرنینگ شور-شاوقینی و تاغلر آرهسیدهگی تیریلگن دکانلردن قیزیقیش بیلن اهالینینگ سودا آلیشی، بو جایگه چیرایلی بیر سیمانی یرهتگن ایدی؛ بیراق حاضر اوتمیش گه قرهگنده آرامراق و قورقیلهدیگن بیر جای کبی کوریلهدی.
