افغانستان اۉزبېکلرینینگ سابق دولتدهگی ییریک عملدارلری، بیلیم یورت استادلری، شاعرلر، یازووچیلر، ژورنالیستلر و مدنی فعاللری، جوزجان بیلیم یورتی لوحهسیدن اۉزبېک تیلی آلیب تشلهنیشینی بو قومنینگ حکومت تامانیدن کمسیتیلیشی، افغانستانده تیل خیلمه-خیللیگیگه اعتبار بیرمسلیک و اۉزبېک تیلینی برچه ساحهلردن حذف قیلیش دیب بهالهگنلر.
بیرلشگن ملتلر تشکیلاتی بالهلرنی قوللب-قوتلش صندیغی (یونیسف)، نینگ آگاهلنتیریشیچه، افغانستان ده هوا اوزگریشلری تاثیری حقیقی «جیم انقراض» بولیب و قوریقچیلیک بولگن ولایتلردهگی سوو حدودلریدن یریمیدن آرتیغی قوریب قالگن.
اسلام امیرلیگی باش وزیرینینگ اقتصادی اورین باسری عبدالغنی برادر، مملکت سودا و صناعتچیلری بیلن اوچرهشووده، سودانی امکان قدر تیزراق پاکستاننینگ بدیل یوللری آرقهلی باشلشلرینی سورهگن. اسلام امیرلیگینینگ اقتصادی اورین باسرلیگی بوگون (۲۱-عقرب/۱۲-نومبر، چهارشنبه) بیر بیانیه ترقهتیب، بو حقده خبر بیرگن.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن بیر کونده ۹ مینگ ۳۹۱ افغانستانلیکنینگ مملکت گه قیتریلگنینی معلوم قیلگن.
تورکیه ملی مدافعه وزیرلیگی، گرجستان چېگره حدودلریده قولب توشگن حربی اوچاقدهگی ۲۰ کیشی هلاک بولگنیدن خبر بیردی.
فلسطین رسمیلرینینگ اعلام قیلیشیچه، اوتگن بیرکیچه و کوندوزده نوار غزه بویلب اسرائیل آرقهلی اویوشتیریلگن هجوملر نتیجهسیده، اوچ کیشی قربان بولگن.
تورکیه اردوسینینگ C130 رسوملی بیر اوچاغی، ۲۰ حربی بیلن گرجستان چېگره حدودلریده قولب توشدی.
غزنی ولایتی جاغوری تومنی یشاوچیلری، شخصی پوللری بیلن «شغلهی علیادتو» اسمی آستیده بیر مکتب قورگنلر. ۱۳ میلیون افغانی عوضیگه، مذکور تومننینگ علیادتو قیشلاغیده قوریلگن اوشبو مکتب، اوتگن کون (۲۰-عقرب، سهشنبه)، فایدهلنیشگه تاپشیریلگن.
