افغانستان بویوکلر فوتسال ملی تیرمه جماعهسی اسلامی مملکتلر بیردملیک اوینلری دایرهسیده ایکینچی اویینیده ایران برابریده مساوی گه تن بیردی. اوشبو بیللشوو، ۱۵-عقرب، پنجشنبه کونی سعودی عربستان میزبانلیگی بیلن ریاض شهریده اۉتکزیلدی و نتیجهده افغانستان ۲-۲ حسابی بیلن مساوی گه تن بیردی. افغانستان بو مساوی بیلن تورت امتیازلی بولیب و مراکش گه نسبتن گل فرقی بیلن ایکینچی گروهنینگ ایکینچی اورنیده تورگن.
اسلام امیرلیگی و پاکستان هیئتلری اورتهسیده اوچینچی باسقیچ مذاکرهلر، ۱۵-عقرب، پنجشنبه کونی تورکیهنینگ استانبول شهریده اۉتکزیلهدی. پاکستان «دان» کوندهلیگی، ایکیله تاماننینگ مذاکره قیلووچی هیئتلری اوتگن کون ایکی کونلیک مذاکره اوچون استانبول گه یېتیب بارگنلرینی ایتگن.
سمنگان ده یوز بیرگن زلزله نتیجهسیده یقینلرینی قولدن بیرگن عایلهلردن قطارینینگ ایتیشلریچه، روحی نقطهی نظریدن زیان کورگنلر. سمنگان ولایتی خُلم تومنی یشاوچیلریدن بیری، ۳۸ یاشر مرجان، زلزله یوز بیرگن کونیده اوزی و بالهلری باشیدن اوتگن واقعهنی، بیر دهشتلی توش صفتیده ایسلهیدی.
خلقارا ییتکرمهلرنینگ گزارش بیریشیچه، ینگی موردده حماس گروگه آلینگن اسرائیللیکلردن بیرینینگ جسدینی خلقارا قیزیل خاچ کمیتهسی آرقهلی اسرائیل رسمیلریگه تاپشیرگن.
افغانستان بویوکلر فوتسال ملی تیرمه جماعهسی اسلامی مملکتلر بیردملیک اوینلری دایرهسیده ایکینچی اویینیده ایران فوتسال ملی تیرمه جماعهسی بیلن بیللشهدی. افغانستان فوتبال فدراسیونی گه کوره، اوشبو بیللشوو، ۱۵-عقرب، پنجشنبه کونی کابل وقتی بیلن توشدن سۉنگ ساعت ۳:۰۰ ده سعودی عربستان میزبانلیگی بیلن ریاض شهریده اۉتکزیلهدی.
بیرلشگن ملتلر تشکیلاتینینگ بالهلرنی قۉللب-قوتلش صندیغی (یونیسف) افغانستانده اوچ میلیوندن آرتیق باله توییب آوقتلنمسلیکدن اذیت چېکماقدهلیگینی بیلدیرگن.
پکتیا، تاغلرینینگ اکثریتی اورمانلر بیلن قاپلگن ولایتلردن بیری دیر. بو ولایت تاغلرینینگ کوپ قسمی طبیعی درختلر بیلن قاپلنگن؛ لیکن هوا اوزگریشلری و قیشده هوانینگ جدی شکلده ساووق بولیشی، سونگی ییللرده اورمان درختلریدن قطارینینگ زیان کوریشی و جلغوزه حاصلاتی کمهیشیگه سبب بولگن. جلغوزه، محلی عایلهلردن قطاری اوچون ییلده اینگ اونملی درآمد منبعلریدن بیری حسابلنهدی.
سعودی عربستانده «النصر کلوبی»نینگ مشهور هجومچیسی، پرتگالنینگ فوتبال بوییچه افسانهوی یولدوزی کریستیانو رونالدو ېنه بیر بار عامه اعتباریگه توشدی – او بو سفر آته صفتیدهگی ایشانچکارلیگی بیلن. رونالدو ۱۵ یاشلی اوغلی، کیچیک کریستیانو رونالدو جونیور گه قیمتبها «لامبورگینی» موترینی ساوغه قیلدی. جونیور، آتهسی تامانیدن ساوغه قیلینگن موتر یانیدهگی صورتینی اجتماعی ترماقده اورتاقلشگن.
